இது கதிர்வேலன் காதல் படத்தில் சாயா சிங்

சாயா சிங் என்றதுமே தனுஷூம் நினைவுக்கு வருவார். திருடா திருடி படத்தில் தனுஷுக்கு ஜோடியாக நடித்து மன்மத ராசா படத்தில் குத்தாட்டம் போட்டு பட்டையைக் கிளப்பியவர் அல்லவா சாயா சிங்.

திருடா திருடி, வல்லமை தாராயோ, ஆனந்தபுரத்து வீடு என ஒரு சில தமிழ் படங்களில் நடித்தவர் தற்போது தெலுங்கில் பிசியாக உள்ளார். சாயா சிங்குக்கு தமிழில் நடிக்க மீண்டும் ஒரு வாய்ப்பு கிடைத்துள்ளது. உதயநிதி ஸ்டாலின் நடிக்கும் இது கதிர்வேலன் காதல் படத்தில் நடிக்க சாயா சிங் ஒப்பந்தத்தில் கையெழுத்திட்டுள்ளார்.

இது கதிர்வேலன் காதல் படத்தில் உதயநிதிக்கு ஜோடியாக நயன்தாரா நடிக்கிறார். அப்புறம் சாயாசிங்? இரண்டு கதாநாயகிகளா என்று கேட்டால்.. இல்லை இல்லை. படத்தில் உதயநிதிக்கு தங்கையாக சாயா சிங் நடிக்க உள்ளார் என்கிறது படக்குழு.

இப்படத்தை சுந்தரபாண்டியன் புகழ் எஸ்.ஆர். பிரபாகரன் இயக்குகிறார்.