கோச்சடையானைத் தொடர்ந்து கே.வி.ஆனந்த் படத்தில் ரஜினி?

கோச்சடையானைத் தொடர்ந்து ரஜினிகாந்த் நடிக்கவிருக்கும் அடுத்தப் படத்தைப் பற்றி எத்தனையோ புரளிகள் வந்து விட்டன. அதேப்போல, மாற்றான் பட இயக்குநர் கே.வி. ஆனந்த் இயக்கும் அடுத்த படத்தைப் பற்றி பல்வேறு செய்திகள் வெளியாகி அவை அனைத்துமே புரளிகள் என தெரிய வந்தது.

இந்த நிலையில், தற்போது ஒரு செய்தி வெளியாகியுள்ளது. அதாவது, கே.வி. ஆனந்த் இயக்கும் அடுத்த படத்தில் நடிக்க ரஜினிகாந்த் ஒப்புக் கொண்டுள்ளதாக சினிமா அறிந்த வட்டாரங்கள் கூறுகின்றன.

கே.வி. ஆனந்த்தின் கதையைக் கேட்டு பிடித்துப் போன ரஜினிகாந்த், கோச்சடையான் முடிந்ததும் அடுத்து கே.வி. ஆனந்த் படத்தில் நடிக்க ஒப்புக் கொண்டதாகவும் கூறப்படுகிறது.

இப்படத்தை எரோஸ் இன்டர்நேஷனல் தயாரிக்க உள்ளதாகவும் கூறப்படுகிறது.

ஆனால் இது எந்த அளவுக்கு உண்மை என்பதை ஏதாவது ஒரு தரப்பினர் வாய் திறந்து சொன்னால் தான் தெரியும்.