கே.வி. ஆனந்த்-ரஜினி படம் வெறும் புரளி

கோச்சடையானைத் தொடர்ந்து ரஜினிகாந்த்தை வைத்து கே.வி. ஆனந்த் அடுத்த படத்தை இயக்குகிறார் என்று வெளியான தகவல் வெறும் புரளி என்பது உறுதியாகியுள்ளது.

காமெரா மேனாக இருந்து இயக்குநராக அவதாரம் எடுத்துள்ள கே.வி. ஆனந்த்தின் முதல் படமான மாற்றான் வெற்றிப்படமாக அமைந்தது. அவரது அடுத்த படம் பற்றி அவர் கவலைப்படுகிறாரோ இல்லையோ, தமிழ் ரசிகர்கள் அதிகம் கவலைப்படுகிறார்கள்.

இதனாலேயே அடுத்த படம் பற்றி ஏராளமான புரளிகள் கிளம்பிவிட்டன. கடைசியாக வெளியான புரளி, கே.வி. ஆனந்த், ரஜினியை வைத்து அடுத்த படம் இயக்குகிறார் என்பதுதான்.

ஆனால் அது வெறும் புரளி தான். மாற்றன் படத்துக்குப் பிறகு இதுவரை எந்தவொரு படத்தையும் இயக்க ஒப்பந்தம் செய்யவில்லை என்று தனது டிவிட்டர் பக்கத்தில் தெரிவித்துள்ளார் கே.வி. ஆனந்த்.

நான் இன்னும் எனது அடுத்த படத்துக்கான கதையை தயார் செய்யவில்லை. அந்தப் பணி முடிவடைந்ததும்தான் அடுத்த படத்துக்கு ஒப்பந்தமாக முடியும். அதுவரை வரும் அனைத்து தகவல்களும் புரளிதான் என்று ஒட்டுமொத்தமாக அனைத்து புரளிகளுக்கும் முற்றுப்புள்ளி வைத்து விட்டார்.