ரஜினி படத்தை இயக்கவில்லை: கே.வி.ஆனந்த்

சூர்யா நடிப்பில் ‘அயன்’, ‘மாற்றான்’ ஆகிய படங்களை இயக்கியவர் கே.வி.ஆனந்த். இவர் ரஜினிகாந்த் அடுத்து நடிக்கும் படத்தை இயக்கப் போவதாக பல இணையதளங்களில் பரபரப்பாக செய்திகள் பரவியது.

ஈராஸ் இண்டர்நேஷனல் நிறுவனம் தயாரிக்கும் படத்தை கே.வி.ஆனந்த் இயக்கப் போவதாகவும், ரஜினிகாந்த் அதில் நடிப்பதாகவும் கூறப்பட்டது. மேலும் இப்படத்தின் பட்ஜெட் ரூ.100 கோடி எனவும் கூறப்பட்டது.

ஆனால் இந்த செய்தியை கே.வி.ஆனந்த் மறுத்துள்ளார். இதுகுறித்து அவர் கூறும்போது, ரஜினியை நான் இயக்கப்போவதாக வெளிவந்த செய்திகள் அனைத்தும் வதந்திதான் எனக் கூறியுள்ளார்.

ரஜினி படம் என்றாலே இதுபோன்ற வதந்திகள் கிளம்புவது வாடிக்கைதான். ரஜினியின் கோச்சடையான் வரும் ஏப்ரல் அல்லது மே மாதத்தில் வெளிவரவிருக்கிறது. அதன்பிறகே அவர் அடுத்து நடிக்கப் போகும் படத்திற்கான அறிவிப்பு வெளியாகும் என எதிர்பார்க்கப்படுகிறது.