மகனுக்கு முக்கியத்துவம் அளிக்கும் மணிவண்ணன்!

1994ம் ஆண்டு சத்யராஜ் நடிப்பில் வெளியான 'அமைதிப்படை' திரைப்படம் நல்ல வரவேற்பை பெற்றது.

மணிவண்ணன் இயக்கிய இந்தப் படத்தில் சத்யராஜ் இரட்டை வேடங்களில் கலக்கி இருந்தார். சுமார் 18 ஆண்டுகளுக்குப் பிறகு 'அமைதிப்படை' திரைப்படத்தின் இரண்டாம் பாகம் 'நாகராஜ சோழன் எம்.ஏ.,எம்.எல்.ஏ' என்ற பெயரில் உருவாகி வருகிறது. இதில் முந்தய கூட்டணியான சத்யராஜ்-மணிவண்ணன் கூட்டணியே மீண்டும் இணைந்திருக்கிறது. இவர்களுடன் சீமான், ரகுவண்ணன் உள்பட பலர் நடிக்கின்றனர்.

'நாகராஜ சோழன் எம்.ஏ.,எம்.எல்.ஏ' திரைப்படத்தில் சத்யராஜ், சீமான் நடித்து வந்தாலும் மணிவண்ணன் தன்னுடைய மகன் ரகுவண்ணனுக்கே முக்கியத்துவம் கொடுப்பதில் தீவிரம் காட்டி வருவதாக கூறப்படுகிறது. மேலும் எப்படியாவது மகனை முன்னணி நடிகராக்கிவிட வேண்டும் என்பதில் உறுதியாகவும் இருக்கிறாராம். அதோடு ரகுவண்ணனின் அடுத்த படத்திற்கான கதையையும் தயார் செய்து வருகிறாராம் மணிவண்ணன்.