அண்ணன் இயக்கும் படத்திற்கு தம்பி தயாரிப்பாளர்

செல்வராகவன் இயக்கும் புதிய படத்தை அவருடைய தம்பி தனுஷ் தயாரிக்கிறார்.

அண்மையில் வொண்டர்பார் என்கிற புதிய திரைப்பட தயாரிப்பு நிறுவனத்தை தொடங்கிய தனுஷ் சிவகார்த்திகேயனை வைத்து 'எதிர்நீச்சல்' எனும் படத்தை தயாரித்துக் கொண்டிருக்கிறார்.

இந்நிலையில் எதிர்நீச்சல் வெளியாவதற்குள் அடுத்தப்படத்திற்கு தயாராகிவிட்டார் தனுஷ். அடுத்ததாக தன்னுடைய அண்ணன் செல்வராகவன் இயக்கும் புதிய படத்தை தயாரிக்க முடிவு செய்திருக்கிறார். ஏற்கெனவே, துள்ளுவதோ இளமை, காதல் கொண்டேன், புதுப்பேட்டை உள்ளிட்ட வெற்றிப் படங்களைக் கொடுத்த தனுஷ்-செல்வராகவன் கூட்டணி மீண்டும் ஒரு படத்தில் இணைய இருக்கிறது.

ஆனால் இந்தப் படத்தில் தனுஷ் தயாரிப்பாளராக மட்டும் செயல்படுவாரா அல்லது நடிப்பாரா என்கிற எதிர்பார்ப்பு ஏற்பட்டுள்ளது. இப்படத்திற்கு 'கொலவெறி' புகழ் அனிருத் இசையமைக்கிறார்.நாயகி மற்றும் மற்ற நடிகர்களுக்கான தேர்வு நடைபெற்றுக் கொண்டிருக்கிறது.