கும்கி ஆடியோ விழா - அண்ணன் கமலும் தம்பி ர‌ஜினியும்

கும்கி ஆடியோ வெளியீட்டு விழாவில் ர‌ஜினி கலந்து கொள்வதாக அழைப்பிதழில் இல்லை. கமல் முதல் சிடியை வெளியிட சூர்யா பெற்றுக் கொள்கிறார். ஆனால் இனிய அதிர்ச்சி விழாவுக்கு வந்தவர்களுக்கு காத்திருந்தது. ர‌ஜினி வந்ததோடு மனம் திறந்து பேசினார் பாருங்கள்... சூப்பர் ஸ்டார் சூப்பர் ஸ்டார்தான்.


சிங்கப்பூ‌ரில் நான் சிகிச்சை எடுத்துக் கொண்ட போது கமல் என்னை பார்க்க வந்தார். ஆனால் மருத்துவர்கள் அனுமதிக்கவில்லை. சிங்கப்பூர் வந்தும் பார்க்க முடியலையே என்று வருத்தப்பட்ட கமலிடம் சா‌ரி கமல், சென்னை வந்ததும் நானே உங்களை வந்து பார்க்கிறேன் என்றேன். அதேபோல் சென்னை வந்ததும் நான் முதலில் பேசியதும் அவ‌ரிடம்தான் என்றார் ர‌ஜினி. அதேபோல் கமல் ஹாலிவுட் படத்தை இயக்கி நடிப்பதை குறிப்பிட்டவ‌ர், இதன் மூலம் இந்தியாவுக்கும் தமிழகத்துக்கும் கமல் பெருமை சோர்த்துள்ளார் என்று பாராட்டினார்.

சிங்கப்பூ‌ரிலிருந்து திரும்பிய ர‌ஜினி இதுவரை தனது ரசிகர்களை சந்திக்காமல் இருக்கிறார். இதுபற்றி ரசிகர்களுக்கு எந்த வருத்தமும் இல்லை என்றாலும் மற்றவர்கள் இதனை வைத்து ர‌ஜினியை விமர்சித்து வருகின்றனர். அதற்கும் அட்டகாசமான விளக்கம் அளித்தார் ர‌ஜினி. நான் இங்கு இந்த மேடையில் நிற்பதற்கு ரசிகர்களின், தமிழக மக்களின் பிரார்த்தனையே காரணம். இந்த அன்பை நான் எப்படி திருப்பிச் செலுத்தப் போகிறேன் என்று தெ‌ரியவில்லை. கடன் வாங்கிவிட்டு திருப்பிச் செலுத்த முடியாதவனைப் போல கூச்சத்தோடு ஒதுங்கி நிற்கிறேன் என்றார். தனது பேச்சைத் தொடங்கும் போது கமல் அண்ணா என்றுதான் பேச்சையே தொடங்கினார் சூப்பர் ஸ்டார்.

விழாவில் கார்த்தி, கௌதம், சத்யரா‌ஜ் உள்ளிட்ட பலர் கலந்து கொண்டனர்.