ராம்கோபால் வர்மாவின் உதவியாளர் இயக்கும் படம் ‘கூட்டம்’

ராம்கோபால் வர்மாவின் உதவியாளர் எம்.ஆர். ஜீவன் இயக்குனராக அறிமுகமாகும் திரைப்படம் 'கூட்டம்'.

'பழனியப்பா கல்லூரி’ திரைப்படத்திற்கு பிறகு நவீன் சந்திரா இந்த படத்தில் நாயகனாக நடிக்கிறார். அவருக்கு ஜோடியாக பியா நடிக்கிறார். இவர்களுடன் கிஷோர் மற்றும் நாசர், சாய்குமார், மகாதேவன், பிரகதி ஆகியோர் முக்கிய வேடத்தில் வருகின்றனர். ஜேம்ஸ் வசந்தன் இசையமைக்கிறார். மம்மூத் மீடியா அன்ட் என்டர்டெய்ன்மென்ட் சார்பில் சுமந்த் குமார் ரெட்டி தயாரிக்கிறார்.

இது, படித்து விட்டு மக்களுக்காக ஆயுதம் ஏந்தும் நக்சல்கள் பற்றிய கதை. இதனை முற்றிலும் ஆக்ஷன் பாணியில் சொல்லியிருக்கிறார்கள். படப்பிடிப்பு சென்னை, பொள்ளாச்சி, குலு மனாலி, விசாகப்பட்டிணம், தர்மபுரி, கடலூர், நகரி உள்ளிட்ட பகுதிகளில் நடத்தப்பட்டுள்ளது.