ஆப்பிள் ஜாம்

தேவையான பொருட்கள்:

ஆப்பிள் – 1 1/2 கப்
சர்க்கரை – 1 1/4 கப்
எலுமிச்சை சாறு- 1 1/2 டீஸ்பூன்
ஏலக்காய் – சிறிது

செய்முறை:

ஆப்பிள் பழத்தை நன்கு கழுவி தோலை நீக்கி பொடியாக நறுக்கி வைத்து கொள்ள வேண்டும். பின்னர் தண்ணீர் சேர்க்காமல் ஒன்று இரண்டாக அரைத்துக்கொள்ள வேண்டும்.
பின்பு சர்க்கரையுடன் சிறிது தண்ணீர் சேர்த்து பாகு காய்ச்ச வேண்டும். காய்ச்சிய பாகு ரெடியானதும் அரைத்து வைத்துள்ள ஆப்பிளை சேர்த்து கெட்டியாகும் வரை கொதிக்க வைக்க வேண்டும்.
பாகுக் கெட்டியானதும் அதில் ஏலக்காய், எலுமிச்சை பழச்சாறு சேர்த்து நான்றாக கிளறி இறக்கி விடவேண்டும்.
பின்னர் அதை குளிர வைத்து ஒரு கண்ணாடி பாட்டிலில் காற்று புகாதப்படி வைக்க வேண்டும்.

இப்பொழுது சுவையான ஆப்பிள் ஜாம் ரெடி.

மருத்துவ பயன்கள்:

ஆப்பிள் பழத்தில் குறைவான கலோரி உள்ளது. கரைபடக் கூடிய நார்ச்சத்துக்கள் ஆப்பிள்களில் அதிகம் உள்ளது.
ஆப்பிள் கொலஸ்ட்ராலைக் குறைய செய்கிறது.
தொடர்ந்து ஆப்பிள் பழம் சாப்பிட்டு வந்தால் கீல் வாதம், இடுப்புச் சந்து வாதம், துடைவாதம், நரம்பு சம்மந்தப்பட்ட சகல வாதங்களும் குறையும்.
ஆப்பிள் பழம் பல் ஈறுகள், நரம்பு பலவீனம் போன்ற நோய்களை குறையச் செய்கிறது.
ஆப்பிள் பழம் உடம்புக்குத் தேவையான சத்துக்களை கொடுக்கும்.