புதினா உருளைக்கிழங்கு கறி

தேவையான பொருட்கள்:

உருளைக்கிழங்கு – 2
புதினா – ஒரு கைப்பிடி அளவு
வெங்காயம் – 1
தக்காளி – 1
இஞ்சி – சிறு துண்டு
பூண்டுப்பற்கள் – 2
கறிவேப்பிலை – சிறிது
சாம்பார் பொடி – 2 டீஸ்பூன்
மஞ்சள் தூள் – 1/4 டீஸ்பூன்
உப்பு – 1 டீஸ்பூன்
நல்லெண்ணெய் – 4 டீஸ்பூன்
கடுகு – 1/2 டீஸ்பூன்

செய்முறை:

உருளைக்கிழங்கை வேக வைத்து, தோலுரித்து, சிறு துண்டுகளாக வெட்டிக் கொள்ளவும்.
இஞ்சி, பூண்டு இரண்டையும் நசுக்கி வைக்கவும்.
வெங்காயம், தக்காளி யை பொடியாக நறுக்கிக் கொள்ளவும்.
ஒரு வாணலியில் எண்ணை விட்டு சூடானதும் கடுகு போடவும். கடுகு வெடிக்க ஆரம்பித்தவுடன் வெங்காயம், கறிவேப்பிலைச் சேர்த்து வதக்கவும். பின் இஞ்சி பூண்டு விழுதைப் போட்டு வதக்கி அத்துடன் தக்காளி, மஞ்சள் தூள், சாம்பார் பொடி, உப்பு சேர்த்து மீண்டும் நன்றாக வதக்கவும். தக்காளி நன்றாகக் குழைந்து சேர்ந்தபின் அதில் புதினா இலைகளைப் போட்டு சற்று வதக்கவும். அத்துடன் உருளைக்கிழங்கு துண்டுகளைப் போட்டு கிளறவும். அடுப்பை சிறு தீயில் வைத்து உருளைக் கிழங்கு நன்றாக சிவக்கும் வரை அவ்வப்பொழுது கிளறி விட்டு இறக்கி வைக்கவும்.