பார்த்திபனின் 'ஆப்பு'!

வித்தகன்' படத்தையடுத்து பாரதிராஜா இயக்கும் 'அன்னக்கொடியும் கொடிவீரனும்' படத்தில் நாயகனாக நடிப்பதாக ஒப்பந்தமாகியிருந்தார் பார்த்திபன். ஆனால் கடைசி நேரத்தில் பார்த்திபனை கழட்டி விட்டு அந்த வேடத்தில் அமீரை நடிக்க வைக்கப்போவதாக கூறினார் பாரதிராஜா. இதனால் அப்படத்திலிருந்து விலகிக்கொண்டார் பார்த்திபன். இந்நிலையில் அடுத்து 'ஆப்பு' என்றொரு படத்தை இயக்கும் வேலைகளில் அவர் இறங்கியிருக்கிறார். தமிழ் தெலுங்கில் உருவாகும் அப்படத்தில் பார்த்திபன் மட்டுமின்றி மேலும் சில முன்னணி நடிகர்-நடிகைகளும் நடிக்கிறார்களாம். இந்நிலையில் சிலர், 'அன்னக்கொடியும் கொடிவீரனும்' படத்தில் நடிக்காதது குறித்து உங்களுக்கு வருத்தமாக இல்லையா? என்று அவரிடம் கேள்வி எழுப்பி வருகின்றனர். அதற்கு நான் சினிமாவுக்கு இன்றைக்கு வரவில்லை. 50 படங்களில் நடித்து விட்டேன். அதனால் அது ஒன்றும் எனக்கு ஏமாற்றமாகத் தெரியவில்லை. மேலும் இனிமேல் பாரதிராஜாவே என்னை நடிக்க அழைத்தாலும் நான் செல்லும் நிலையில் இல்லை என்கிறார் பார்த்திபன். ஓ... இதுதான் அந்த ஆப்போ..?!