ஆகஸ்டில் 'அசோகமித்ரன்'!

மௌனகுரு' படத்தில் தனது எதார்த்தமான நடிப்பின் மூலம் பலரது கவனத்தையும் ஈர்த்தார் அருள்நிதி. அடுத்து, கரு.பழனியப்பன் இயக்கும் படத்தில் நடிக்க ஒப்பந்தமாகியுள்ளார். 'அசோகமித்ரன்' என இப்படத்திற்கு பெயரிட்டு இருக்கிறார்கள். இந்நிலையில் அருள்நிதியின் அப்பாவாக இப்படத்தில் நடிக்க ஒப்பந்தமாகி இருக்கிறார் பிரபு. 'மௌனகுரு' படத்தினை தயாரித்த மு.க.தமிழரசு இப்படத்தினையும் தயாரிக்க இருக்கிறார். கரு.பழனியப்பன் படங்களில், ஆக்ஷன் காட்சிகள், சூப்பர் ஹீரோத்தனங்கள் எல்லாம் இல்லாமல், இயல்பான திரைக்கதை அமைக்கப்பட்டு இருக்கும். இப்படத்திலும், காதல், மற்றும் அப்பா-மகன் உறவை வைத்து திரைக்கதை அமைத்து இருக்கிறாராம். மொத்த படப்பிடிப்பும் சென்னை மற்றும் பெங்களூருவில் நடைபெற இருக்கிறதாம். ஜூன் மாதம் படத்தினை முடித்து ஆகஸ்ட் மாதம் வெளியிட தீர்மானித்து இருக்கிறார்கள். நாயகி யார் என்பது மட்டுமே இன்னும் முடிவாகவில்லையாம். அப்போ.. மனசுக்கு பிடிச்ச மானசரோவரா இருக்குமா..?