உலக நாயகனுடன் டேட்டிங் போக ஆசைப்படும் நடிகை!

நடிகர் கமலுடன் டேட்டிங் போக தயார் என்று 'கொல கொலயா முந்திரிக்கா', 'விண்மீன்கள்' உள்ளிட்ட படங்களில் நடித்த நடிகை ஷிகா கூறியுள்ளா. இது குறித்து அவர் கூறியதாவது: கன்னடத்தில் 'காலிபட்டா' படம் மூலம் அறிமுகமானேன். இதையடுத்து 5 படங்களில் நடித்தேன். தமிழில் 'கொல கொலயா முந்திரிக்கா' படத்தில் அறிமுகமானேன். பிறப்பிலேயே மூளை பாதிப்படைந்த குழந்தைகளை பற்றிய கதையான 'விண்மீன்கள்' படத்தில் மாற்று திறனாளி குழந்தைக்கு தாயாக நடித்தேன். அம்மா, அண்ணி வேடத்தில் நடிக்க சில நடிகைகள் தயங்குகின்றனர். எந்த வேடத்திலும் நடிக்க ஹீரோயின்களுக்கு துணிச்சல் வரவேண்டும். ரிஸ்க் எடுக்காமல் எதையும் அடைய முடியாது. மனித வளம் பற்றிய பட்டமேற்படிப்பு படித்திருக்கிறேன். சினிமாவில் நடிக்க வருவதை எனது பெற்றோர் விரும்பவில்லை. ஆனாலும், நான் ஏற்று நடித்த வேடங்களை பார்த்த பிறகுதான் ஒப்புக்கொண்டனர். பாலிவுட் நடிகைகள் ஹீரோக்களுடன் டேட்டிங் போவதுபற்றி கேட்கிறார்கள். அது அவரவர் இஷ்டம். டேட்டிங் போவதில் தவறில்லை. ஆனால், யாருடன் போகிறோம் என்பது முக்கியம். ஷாருக்கான், கமல் இவர்களில் யார் அழைத்தால் டேட்டிங் செல்வீர்கள் என்று கேட்கிறார்கள். கமலுடன் டேட்டிங் போக தயார். அதுபோல் ரஜினி சார் படத்தில் வாய்ப்பு வந்தால் கதை கேட்காமல் நடிப்பேன். உலக நாயகனுடன் டேட்டிங்.. சூப்பர் ஸ்டாருடன் ஆக்டிங்.. அடடே.. அம்ணி ரொம்ப தெளிவாத்தான் இருக்காரு.. சரி.. ஆசைப்படுறதுல ஒண்ணும் தப்பில்லயே.......!