புற்றுநோயால் போனி கபூர் மனைவி மரணம்!

இந்தி திரைப்பட உலகில் பல ஆண்டுகளாக தயாரிப்பாளராக இருந்து வருபவர் போனி கபூர். இவரது சகோதரர் இந்தி நடிகர் அனில் கபூர். போனி கபூரின் முதல் மனைவி மோனா கபூர், 47. இந்த தம்பதிக்கு அர்ஜூன், அன்ஷுலா என்ற இரு குழந்தைகள் உள்ளனர். போனி கபூரின் 2-வது மனைவி நடிகை ஸ்ரீதேவி. புற்றுநோயால் அவதிப்பட்டு வந்த மோனா கபூர், மும்பை இந்துஜா மருத்துவமனையில் சிகிச்சை பெற்று வந்தார். நேற்று காலை அவர் இறந்தார். அவரது மறைவுக்கு இந்தி நடிகர் அனுபம் கெர், தயாரிப்பாளர் கரண் ஜோகர் உட்பட பலரும் இரங்கல் தெரிவித்துள்ளனர்.