திரவுபதியான சீதை!

தமிழில் முன்னணி நடிகையாக விளங்கிய நயன்தாரா தெலுங்கில் சீதையாக நடித்த படம் 'ஸ்ரீராமராஜ்ஜியம்'. இப்படம் தெலுங்கில் சூப்பர் டூப்பர் ஹிட்டாகி வசூலை வாரிக் குவித்தது. இப்படத்தையடுத்து காதல் வலையில் சிக்கிய நயன்தாரா இனி படங்களில் நடிப்பதில்லை என அறிவித்தார். பின்னர், காதல் முறிவு ஏற்பட்டு மீண்டும் படங்களில் நடிக்க முடிவெடுத்தார். அதைத்தொடர்ந்து தமிழ் மற்றும் தெலுங்கு சினிமா உலகில் பல்வேறு தயாரிப்பாளர்களும் நயன்தாராவை தங்களது படங்களில் ஒப்பந்தம் செய்ய அணிவகுத்து நின்றனர். இந்நிலையில் நயன்தாரா நடித்து தெலுங்கில் சூப்பர் ஹிட்டான 'ஸ்ரீராமராஜ்ஜியம்' படத்தை தமிழில் டப்பிங் செய்து வெளியிடும் பணிகள் தற்போது மும்முரமாக நடைபெற்று வருகின்றன. இதையடுத்து நயன்தாராவை திரவுபதியாக நடிக்க வைக்க தெலுங்கு பட தரப்பில் பேச்சுவார்த்தை நடைபெற்று வருகிறது. மேலும், அப்படத்தில் பஞ்ச பாண்டவர்கள் கேரக்டருக்கும் தேர்வு நடைபெற்று வருகின்றன. பொருத்தமான வேடம்!