சீதை வேடத்தில் நயனதாரா!

தெலுங்கில் உருவாகும் ராமராஜ்ஜியம் படத்தில் சீதை வேடத்தில் நயனதாரா நடிப்பது உறுதியாகி விட்டது. இதுதொடர்பாக எழுந்த எதிர்ப்புகளைப் புறக்கணித்து விட்டு சீதை வேடத்தில் நயனையே நடிக்க வைப்பது என தீர்மானித்து விட்டார்களாம்.

தெலுங்கில் ராமராஜ்ஜியம் என்ற பெயரில் புராணப்படம் உருவாகிறது. இதில் ராமர் வேடத்தில் என்டிஆர் பாலகிருஷ்ணா நடிக்கிறார். சீதை வேடத்தில் நயனதாராவை புக் செய்தனர்.

ஆனால் இதற்கு தெலுங்குத் திரையுலகிலேயே எதிர்ப்பு கிளம்பியது. பிரபுதேவாவுடன் கள்ளக்காதலில் ஈடுபட்டுள்ளார் நயனதாரா. இதுதொடர்பாக கோர்ட்டில் வழக்குகளையும் சந்தித்து வருகிறார். இப்படிப்பட்டவரைப் போய் சீதை வேடத்தில் நடிக்க வைப்பதா என்று எதிர்ப்புக் குரல்கள் எழும்பின.

இதையடுத்து சீதை வேடத்திற்கு நயனதாராவை போடுவது குறித்து தயாரிப்பாளர் தரப்பு மறு பரிசீலனை செய்வதாக தகவல்கள் வெளியாகின.

ஆனால் தற்போது நயனதாராவையே சீதை வேடத்தில் நடிக்க வைப்பது என தீர்மானித்து விட்டார்களாம். திட்டமிட்டபடி இப்படம் உருவாகிறது, கேரக்டர்களுக்கு ஏற்கனவே முடிவு செய்யப்பட்டவர்களே தொடர்ந்து நடிக்கவிருப்பதாகவும் படத் தயாரிப்புக் குழு கூறுகிறது.

இருப்பினும் இப்படத்தை தமிழில் டப் செய்யும் ஐடியா ஏதும் இல்லையாம் படக் குழுவினருக்கு.