பாப் பாடகி விட்னி ஹுஸ்டனின் மரணம் தொடர்பான திடுக்கிடும் தகவல்!

0

Frightened information relating to the death of pop singer Whitney hustan!பாப் இசை உலகில் பிரபல பாடகியாக வலம் வந்த விட்னி ஹுஸ்டன் (48), கடந்த பிப்ரவரி மாதம், கலிபோர்னியாவில் உள்ள பிவர்லி ஹில்ஸ் நட்சத்திர ஓட்டலில் மர்மமான முறையில் மரணமடைந்தார். கோக்கைன், கஞ்சா உள்ளிட்ட பல்வேறு போதைப் பொருட்களை காக்டெய்லாக்கி உபயோகித்து போதை தலைக்கேறிய நிலையில் அவர் ஓட்டல் அறையில் உள்ள ‘பாத் டப்’பில் மர்மமான முறையில் இறந்து கிடந்தார்.தற்போது, விட்னி ஹுஸ்டனின் மர்ம மரணம் தொடர்பான திடுக்கிடும் தகவல் வெளியாகியுள்ளது.

சிகாகோ நகரின் காவல் துறையில் அதிகாரியாக பணியாற்றி ஓய்வு பெற்று, தற்போது நடிகராக மாறியுள்ள பால் ஹுபுல் என்பவர், இது தொடர்பாக சமீபத்தில் பரபரப்பு அறிக்கை ஒன்றை வெளியிட்டார். அந்த அறிக்கையில் அவர் கூறியுள்ளதாவது-

அமெரிக்காவில் உள்ள பிரபல போதைப்பொருள் கடத்தல் கும்பலுக்கு விட்னி ஹுஸ்டன், ரூ. 9 கோடி வரை பாக்கி வைத்திருந்தார். இந்த கடனை வசூலிக்கும் தகராறில் அவர் கொலை செய்யப்பட்டிருக்கலாம். பிவர்லி ஹில்ஸ் ஓட்டலில் அவர் தங்கியிருந்தபோது, அடையாளம் தெரியாத 2 நபர்கள் அவருடன் இருந்தது ஓட்டல் கேமராவில் பதிவாகியுள்ளது.

இவர்கள், விட்னி ஹுஸ்டன் தங்கியிருந்த அறைக்குள் நுழைந்து, அவரை கொன்றிருக்கலாம். அவர்களிடமிருந்து தன்னை காப்பாற்றிக் கொள்ள அவர் போராடியிருக்கக்கூடும். இந்த வாதத்துக்கு வலுசேர்க்கும் வகையில் அவரது உடலில் சில காயங்களும் காணப்பட்டன. என்னிடம் உள்ள ஆதாரங்களை போலீசாரிடம் நான் ஒப்படைத்துள்ளேன். அவர்கள் விரைவில் இதை ஆதாரமாக வைத்து, புதிய கோணத்தில் விட்னி ஹுஸ்டனின் மர்ம மரணம் தொடர்பாக விசாரணை நடத்துவார்கள் என எதிர்பார்க்கிறேன்.இவ்வாறு அவர் கூறியுள்ளார்.