ரசிகர்களிடம் சிக்கிய டோனி: பொலீஸ் பாதுகாப்புடன் வெளியேற்றம்

கேப்டன் டோனி தனக்கு சொந்தமான மோட்டார் சைக்கிளை ஆந்திர மாநிலத்தில் இருந்து பார்சல் சர்வீஸ் மூலம் சென்னைக்கு கொண்டு வர ஏற்பாடு செய்து இருந்தார்.

இந்த மோட்டார் சைக்கிளை எடுத்துச் செல்ல டோனி, போலீஸ் பாதுகாப்புடன் பாடியநல்லூருக்கு வந்தார். பின்னர், மோட்டார் சைக்கிளை தானே ஓட்டிக்கொண்டு சென்னை நோக்கி சென்று கொண்டு இருந்தார். அவருக்கு பின்னால் போலீஸ் பாதுகாப்பு கார் வந்து கொண்டு இருந்தது.

பாடியநல்லுர் மேம்பாலத்தில் டோனி வந்தபோது அவருடைய மோட்டார் சைக்கிளின் முன் டயர் திடீரென பஞ்சர் ஆனது. இதனால் வண்டியை நிறுத்திய டோனி ஹெல்மெட்டை கழற்றி சாலையோரம் நின்று கொண்டு இருந்தார்.

சாலையோரம் நின்று கொண்டு இருந்த டோனியை பார்த்த அவருடை ரசிகர்கள் டோனியை சூழ்ந்துகொண்டனர். இதையடுத்து, மோட்டார் சைக்கிளை அங்கேயே நிறுத்தி விட்டு டோனி பொலீஸ் காரில் ஏறிச்சென்றார்.