இஞ்சி தொக்கு

தேவையான பொருட்கள்:

இஞ்சி – நான்கு அல்லது ஐந்து பெரிய துண்டுகள்
காய்ந்த மிளகாய் – 8 அல்லது 10
கடுகு – 2 டீஸ்பூன்
வெந்தயம் – 1 டீஸ்பூன்
புளி – எலுமிச்சம் பழ அளவு
வெல்லம் – எலுமிச்சம் பழ அளவு
உப்பு – 2 டீஸ்பூன் அல்லது தேவைக்கேற்றவாறு
நல்லெண்ணெய் – 4 டேபிள்ஸ்பூன்

செய்முறை:

இஞ்சியை நன்கு கழுவித் துடைத்து, தோலை சீவவும். சிறு துண்டுகளாக நறுக்கிக் கொள்ளவும்.
புளியை சிறிது வென்னீரில் ஊற வைக்கவும்.
வெறும் வாணலியில் வெந்தயத்தைப் போட்டு சிவக்க வறுத்தெடுத்து, பொடித்துக் கொள்ளவும்.
ஒரு வாணலியில் எண்ணெய் விட்டு, எண்ணெய் காய்ந்தவுடன் இஞ்சி துண்டுகளை போட்டு நன்கு வதக்கிக் கொள்ளவும். பின் அதே எண்ணெயில் கடுகைப் போட்டு வெடிக்க விடவும். கடுகு வெடித்தவுடன், மிளகாயைப் போட்டு ஓரிரு வினாடிகள் வறுத்து, அடுப்பை அணைத்து விடவும்.
முதலில் வதக்கிய இஞ்சி, புளி (ஊறிய நீரையும் சேர்க்கவும்), வெல்லம், உப்பு அனைத்தையும் ஒன்றாகச் சேர்த்து நன்றாக அரைத்துக் கொள்ளவும். பின்னர் அதில் தாளித்த கடுகு, மிளகாயை அதிலுள்ள எண்ணெயுடன் சேர்த்து, வெந்தயப்பொடியையும் சேர்த்து அரைத்து எடுக்கவும்.
வெல்லம் தேவையில்லை என்றால், அதை தவிர்த்து விடவும். வெல்லம் சேர்க்காவிட்டால், மிளகாயைக் குறைத்துக் கொள்ளவும். தயிர் சாதத்துடன் சாப்பிட சுவையாக இருக்கும். சீரணத்திற்கு மிகவும் உதவும்.