கடவுளால் மட்டுமே சச்சினின் சாதனையை முறியடிக்க முடியும்: வீரேந்திர ஷேவாக்

கடவுளால் மட்டுமே 100 சதம் அடித்து சச்சினின் சாதனையை முறியடிக்க முடியும் என்று இந்திய கிரிக்கெட் அணியின் அதிரடி வீரர் வீரேந்திர ஷேவாக் தெரிவித்துள்ளார்.

இந்திய கிரிக்கெட் அணியின் நட்சத்திர துடுப்பாட்ட வீரரான சச்சின் டெண்டுல்கர் கடந்த மாதம் ஆசிய கிண்ணப் போட்டியில் தனது 100வது சதத்தை நிறைவு செய்தார்.

அதன் பிறகு பலதரப்பிலிருந்தும் பாராட்டுகள் குவிந்த வண்ணம் உள்ளன. சச்சின் ஒரு பேட்டியில் தனது சாதனை முறியடிக்கக் கூடியது தான் என்று கூறியிருந்தார்.

இதுகுறித்து வீரேந்திர ஷேவாக் கூறுகையில், சச்சினின் 100 சத சாதனையை நினைக்கும்போது கடவுளால் மட்டுமே இப்படி ஒரு சாதனை படைக்க முடியும் என்று மட்டும்தான் என்னால் சொல்ல முடியும் என்றார்.