விஸ்வரூபம் படத்தை திரையிடுவதற்காக கமல்ஹாசன் நாளை மும்பை பயணம்

கமல் ஹாசனின் விஸ்வரூபம் படத்தை தமிழகத்தில் திரையிடுவதில் தொடர்ந்து சிக்கல் ஏற்பட்டுள்ள நிலையில், மும்பையில் பிப்ரவரி 1-ம் தேதி திரையிடப்படுகிறது. படத்தை திரையிடுவதற்காக கமல் ஹாசன் நாளை மும்பைக்கு செல்கிறார்.

இத்தகவலை இன்று ரசிகர்களுக்குத் தெரிவித்த கமல் ஹாசன், ‘மும்பைக்கு சென்று வெற்றிகரமாக திரும்பி வருவேன். அதுவரை அமைதி காக்க வேண்டும். உங்களை நம்பித்தான் மும்பைக்கு செல்கிறேன்’ என்று வேண்டுகோள் விடுத்தார்.