ஒரே வாரத்தில் ரூ. 80 கோடி: 'ரேஸ் - 2' இந்திப்படம் வசூல் சாதனை

யூ டிவி மற்றும் டிப்ஸ் பிலிம்ஸ் தயாரிப்பில் அப்பாஸ் மஸ்தான் இயக்கத்தில் உருவான 'ரேஸ்-2' திரைப்படம் கடந்த வாரம் வெள்ளிக்கிழமை ரிலீஸ் ஆனது.

சைப் அலி கான், ஜான் ஆபிரகாம், தீபிகா படுகோனே, ஜாக்குலின் பெர்ணாண்டஸ் ஆகியோர் நடத்திருக்கும் இந்த படம், ரூ. 60 கோடி செலவில் தயாரிக்கப்பட்டது.

ரசிகர்களின் பலத்த வரவேற்பை பெற்றுள்ள இப்படம், திரையிடப்பட்ட முதல் வாரத்திலேயே வசூலில் முந்தைய சாதனைகளை முறியடித்துள்ளது. இந்தியாவில் மட்டும் ரூ. 79 கோடியே 60 லட்சம் வசூல் சாதனை புரிந்துள்ள 'ரேஸ் - 2', வெளிநாடுகளில் 42 1/2 லட்சம் அமெரிக்க டாலர்களையும் சம்பாதித்துள்ளது குறிப்பிடத்தக்கது.