கவிஞர் வைரமுத்து பாடகரானார்

கவிஞர் வைரமுத்து கர்மா என்ற படம் மூலம் பாடகராக அறிமுகமாகியுள்ளார். இசையமைப்பாளர் எல்.வி. கணேசன் இசையில் பாடல் பதிவு நடந்தது. வைரமுத்து ஒலிப்பதிவு கூடத்துக்கு சென்று பாடி கொடுத்தார்.

பாடகரானது குறித்து வைரமுத்து சொல்கிறார்.

கர்மா படத்துக்கு திருக்குறள் போல் ஒரு அதிகாரத்துக்கு பத்து குறளுடன் கர்மாவை பற்றி குறள் வேண்டும் என்று கேட்டனர். எனக்கு பிடித்தது. குறள்களை எழுதி கொடுத்தேன். இந்த பத்து குறள்களையும் என் குரலில் ஒலிப்பதிவு செய்து இருக்கிறார்கள்.

குறளுக்கு குரல் கொடுக்க வாய்ப்பளித்த இயக்குனருக்கு நன்றி. எதிர்காலத்தில் 133 அதிகாரத்தில் நவீன திருக்குறள் நான் எழுதினால் அதற்கு காரணம் கர்மா பட இயக்குனரும் இசையமைப்பாளரும்தான்.

இவ்வாறு அவர் கூறினார்.