தமிழ் பட உலகை இழிவுபடுத்தி பேசவில்லை: காஜல் அகர்வால்

நடிகை காஜல் அகர்வால் தமிழ்பட உலகை இழிவு படுத்தி பேசியதாக செய்திகள் வெளியாயின. தமிழ் திரையுலகை விட தெலுங்கு திரையுலகம்தான் உயர்ந்தது. தெலுங்கில்தான் நடிகைகளுக்கு மரியாதை உள்ளது. தமிழ் பட உலகில் கதாநாயகர்களைத்தான் கடவுள் போல் கருகிறார்கள் என்றெல்லாம் அவர் பேசியதாக கூறப்பட்டது.

இதற்கு காஜல் அகர்வால் மறுப்பு தெரிவித்து உள்ளார். அவர் கூறியதாவது:-

நான் தமிழ்பட உலகை அவமதித்து பேசவில்லை. தெலுங்கு, தமிழ் படங்களில் நடிக்கவே எனக்கு பிடிக்கும். ஏற்கனவே நான் மகான் அல்ல, மாற்றான் படங்கள் எனக்கு பெயர் வாங்கி கொடுத்தன. சமீபத்தில் ரிலீசான துப்பாக்கி படமும் வெற்றிகரமாக ஓடியது. கார்த்தி ஜோடியாக 'ஆல் இன் ஆல் அழகு ராஜா' படத்துக்கும் ஒப்பந்தமாகியுள்ளேன்.

இந்த நிலையில் தமிழ் பட உலகை நான் எப்படி அவமதித்து பேசுவேன். தமிழ், தெலுங்கு ஆகிய இரு பட உலகிலும் நடிகைகள் மதிக்கப்படுகிறார்கள். தெலுங்கில் இரண்டு படங்கள் கைவசம் உள்ளன. துப்பாக்கியில் விஜய்யுடன் நடித்தது இனிமையான அனுபவம் என்றார்.