விஜயை புகழ்ந்த காஜல் அகர்வால்

தென்னிந்திய நடிகைகளில் இன்று முன்னணி நடிகையாக விளங்குபவர் காஜல் அகர்வால். இவர் தற்போது தமிழில் துப்பாக்கி, மாற்றான் ஆகிய திரைப்படங்களில் நடித்து வருகிறார். இவ்விரு படங்களும் அடுத்தடுத்து திரைக்கு வர இருக்கின்றன. இந்நிலையில் அண்மையில் அளித்த பேட்டியில் விஜயுடன் நடித்த அனுபவம் குறித்து பகிர்ந்துள்ளார். அதில் விஜயின் நடனம் மற்றும் நடிப்பு திறமைகளை பாராட்டி பேசினார். மேலும் விஜய் போன்ற அனைத்து அம்சங்கள் கொண்ட நடிகர்களுடம் இணைந்து நடிக்க விரும்புகிறேன். தான் நடித்த நடிகர்களுடன் ஒப்பிட்டு பார்த்தால் அதில் விஜய் மிகவும் மாறுபட்ட ஒருவராவார். நடனம், ஆக்ஷன் மட்டுமின்றி அவருடைய சிறந்த நகைச்சுவை உணர்வை கண்டும் வியப்படைந்தேன் என்றார்.