உலகை காப்பாற்றும் விஞ்ஞானியாக நடிக்க ஆசை: சிவா

சென்னை 600 028’, ‘தமிழ் படம்’, ‘கலகலப்பு’ ஆகிய படங்களில் நடித்தவர் ‘மிர்ச்சி’ சிவா. இவர் தற்போது ‘சொன்னா புரியாது’, 1981-ல் ரஜினி இரட்டை வேடங்களில் நடித்த ‘தில்லு முல்லு’ ரீமேக் ஆகிய படங்களில் நடித்து வருகிறார்.

இதுதவிர, உதயநிதி ஸ்டாலினின் மனைவி கிருத்திகா இயக்குனராக அறிமுகமாகும் புதிய படமொன்றிலும் நடிக்க ஒப்பந்தமாகியுள்ளார். விமல், சிவா இணைந்து நடித்த ‘கலகலப்பு’ படத்தின் இரண்டாம் பாகத்தின் படப்பிடிப்பு வரும் ஜூன் மாதம் தொடங்க இருக்கிறது.

இந்நிலையில், உலகைக் காப்பாற்றக்கூடிய விஞ்ஞானியாக நடிக்க ஆசை இருப்பதாக சிவா கூறியுள்ளார். ஆனால், தனக்கு பொறுக்கி அல்லது ஏமாற்றும் பேர்வழி போன்ற கதாபாத்திரங்களே தன்னை தேடி வருவதாகவும் வருத்தத்துடன் கூறியுள்ளார்.

தன்னுடைய இந்த ஆசையை நிறைவேற்ற இயக்குனர்கள் யாராவது முன்வருவார்களா? என ஆவலோடு எதிர்பார்த்து காத்திருக்கிறார் சிவா.