கவர்ச்சி வேடத்திலும் நடிக்க தயார்: ‘அட்டக்கத்தி’ நந்திதா தடாலடி

‘அட்டக்கத்தி’ படத்தின் மூலம் தமிழ் சினிமாவுக்கு கதாநாயகியாக அறிமுகமானவர் நந்திதா. பெங்களூரைச் சேர்ந்த இவர், இப்படத்தைத் தொடர்ந்து ‘நளனும் நந்தினியும்’, ‘எதிர்நீச்சல்’ ஆகிய படங்களில் நடித்து வருகிறார். விஜய் சேதுபதியுடன் பண்ணையாரும் பத்மினியும் என்ற படத்திலும் நடித்து வருகிறார்.

அனைத்து படங்களிலும் இவர் குடும்பப்பாங்கான கதாபாத்திரத்திலேயே நடித்திருப்பார். ஆகவே, இவருக்கு தொடர்ந்து அதுமாதிரியான வேடங்களில் நடிப்பதற்கே வாய்ப்புகள் வருகின்றனவாம். இதற்காக வருத்தப்பட்ட அவர், கவர்ச்சி வேடங்களிலும் நடிக்க தயார் என தடலாடியாக அறிவித்துள்ளார்.

இதுகுறித்து அவர் கூறும்போது, குடும்ப நடிகை, கவர்ச்சி நடிகை என ஆல்ரவுண்டு நடிகையாக நடிக்கத் தயார் என கூறியுள்ளார். இதற்காக தன்னுடைய கவர்ச்சி போட்டோக்கள் அடங்கிய ஆல்பம் ஒன்றை தயார் செய்திருக்கிறாராம். அதை தனது பி.ஆர்.ஓ., மூலம் இயக்குனர்களிடம் கொடுத்து வாய்ப்பு தேடி வருகிறாராம்.