மனநிலை பாதிக்கப்பட்ட இரு பிள்ளைகளின் தாய் மீது பாலியல் வல்லுறவு!

மனநிலை பாதிக்கப்பட்ட இரு பிள்ளைகளின் தாயை பாலியல் வல்லுறவிற்குட்படுத்திய குற்றச்சாட்டினை ஒப்புக்கொண்ட குற்றவாளிக்கு மொனராகலை மேல் நீதிமன்ற நீதிபதி இரு வருட கடூழிய சிறைத்தண்டனையை விதித்ததுடன் அபராதமும் இழப்பீடும் செலுத்தும்படியும் உத்தரவிட்டார்.

மொனராகலைப் தொம்பகஹாவெல என்ற இடத்தைச் சேர்ந்த ஒருவருக்கே மேற்படி தண்டனைகள் விதிக்கப்பட்டன.

இதுதொடர்பான வழக்கு மொனராகலை மேல் நீதிமன்றத்தில் நீதிபதி கிஷான் எச். குலதுங்க முன்னிலையில் கடந்த 12 ஆம் திகதி எடுத்துக்கொள்ளப்பட்டபோது, சுமத்தப்பட்ட குற்றச்சாட்டினை சந்தேக நபர் ஒப்புக்கொள்ளவே நீதிபதி குறிப்பிட்ட நபருக்கு இருவருட கடூழிய சிறைத்தண்டனையும் பாதிக்கப்பட்ட பெண்ணுக்கு ஒரு இலட்சத்து ஐம்பதாயிரம் ரூபா இழப்பீட்டினை வழங்குமாறும் உத்தரவிட்டார்.