பரதேசி படப்பிடிப்பில் நடிகர், நடிகைகளை கம்பால் அடித்த பாலா: மனித உரிமை அமைப்பு எதிர்ப்பு

பாலா இயக்கிய பரதேசி படத்தின் டிரெய்லர் சில தினங்களுக்கு முன் வெளியானது. இதில் சரியாக நடிக்காத நடிகர் - நடிகைகளை பாலா கம்பால் அடித்தும், உதைத்தும் துன்புறுத்துவது போன்ற காட்சிகள் இடம் பெற்று இருந்தன. வயதானவர்கள், சிறுவர்களையும் அடித்தார். கேவலமாக பேசுவது போன்றும் காட்சிகள் இருந்தது.

இதற்கு கோவையைச் சேர்ந்த மனித உரிமைகள் பாதுகாப்பு அமைப்பு கண்டனம் தெரிவித்து உள்ளது. பாலா மீது வழக்கு தொடரப்போவதாகவும் அறிவித்து உள்ளனர்.

இதுகுறித்து அந்த அமைப்பைச் சேர்ந்தவர்கள் கூறும்போது இயக்குனர் பாலா பரதேசி படத்தில் நடித்தவர்களை அடித்து துன்புறுத்தி, மிருகங்களைவிட கேவலமாக நடத்தியதை டிரெய்லரில் பார்த்து அதிர்ச்சியானோம். இந்த காட்சிகளுக்கு தணிக்கைத் துறையினர் எப்படி யூ சான்றிதழ் அளித்தனர் என்று புரியவில்லை என்றனர்.

ஆனால் பாலா தரப்பில் இதை மறுத்தனர். கேரக்டர்கள் எப்படி அடிக்க வேண்டும், எப்படி அடிவாங்க வேண்டும் என்பதை குச்சி வைத்து பாலா சொல்லிக்கொடுத்தார் என்றனர்.