தயிர் ஓட்ஸ்

தேவையானப்பொருட்கள்:

ஓட்ஸ் - 1 கப்
பால் - 2 கப்
தயிர் - 1 கப்
இஞ்சி - ஒரு சிறு துண்டு
பச்சை மிளகாய் - 2
துருவிய கேரட் - 1/2 கப்
பச்சைக் கொத்துமல்லி - சிறிதளவு
எண்ணெய் - 1 டீஸ்பூன்
கடுகு - 1/4 டீஸ்பூன்
பெருங்காயத்தூள் - ஒரு சிட்டிகை
உப்பு - தேவைக்கேற்றவாறு

செய்முறை:

• பாலை கொதிக்க வைத்து, அதில் ஓட்ஸை சேர்த்து, அடிக்கடி கிளறி விட்டு, 3 அல்லது 4 நிமிடங்கள் வரை வேக விடவும்.

• வெந்த ஓட்ஸை அடுப்பிலிருந்து இறக்கி வைத்து சற்று ஆற விடவும்.

• ஓட்ஸ் ஆறியவுடன், தயிரை நன்றாகக் கடைந்து அத்துடன் சேர்க்கவும். தேவையான அளவு உப்பையும் சேர்த்துக் கிளறவும்.

• கடாயில் எண்ணெய் ஊற்றி கடுகு, இஞ்சி, மிளகாய், பெருங்காயத்தூள் ஆகியவற்றைத் போட்டு தாளித்துக் ஓட்ஸ் கலவையில் நன்றாகக் கலக்கவும்.

• கடைசியாக துருவிய கேரட், பச்சைக் கொத்துமல்லி ஆகியவற்றைத் தூவி பரிமாறவும்.