தெலுங்கில் சாந்தினி

சென்னை : ‘சித்து பிளஸ் 2’ படத்தில் அறிமுகமானவர் சாந்தினி. தற்போது ‘நான் ராஜாவாகப் போகிறேன்’ படத்தில் நடித்து வருகிறார். அவர் கூறியதாவது: சித்து பிளஸ் 2 படம் முடிந்ததும் நிறைய வாய்ப்புகள் வந்தது. அப்போது கல்லூரியில் படித்துக் கொண்டிருந்தேன். கல்லூரியில் தொடர்ந்து நடிக்க அனுமதி தராததால் நடிக்க முடியவில்லை. தற்போது படிப்பு முடிந்து விட்டதால் நடித்துக் கொண்டிருக்கிறேன். ‘நான் ராஜாவாகப் போகிறேன்‘ படத்தில் சட்டக் கல்லூரி மாணவியாக நடிக்கிறேன். தெலுங்கில் ‘காளிச்சரண்’ படத்தில் 1980,களில் வாழ்ந்த அய்யர் வீட்டுப் பெண்ணாக நடிக்கிறேன். தமிழ், தெலுங்கு இரண்டு மொழிகளிலும் நல்ல படங்களை தேர்ந்தெடுத்து நடிக்க முடிவு செய்திருக்கிறேன்.