தெலுங்கில் எமி ஜாக்ஸன்

ஆங்கில நடிகையொருவர் தமிழில் இப்படியொரு வரவேற்பை பெற்றது ஆச்சரியம்தான். ஐ படத்தில் நடித்துவரும் இவரின் அழகு, திறமை பற்றி சீயான் சிலாகித்துப் பேசுவதை கேட்டால் எமி-க்காக ஒரு படத்தை தயாரித்தால் என்ன என்று தோன்றும்.

தமிழில் அறிமுகமானாலும் தோற்றமும், கலரும் இந்திக்கு ஏற்றதாக இருக்கும் என்றுதான் நினைத்தாராம் எமி. ஆனால் அங்கு கடும் போட்டி. வாய்ப்பு பெயரவில்லை. அதேநேரம் ஷங்கரே கூப்பிட்டு ஐ படத்தில் வாய்ப்பளித்தார். எட்டாத சொர்க்கத்துக்கு ஏங்குவதைவிட இருக்கிற பூமியை சொர்க்கமாக்கலாம் என்று தீர்மானித்து விட்டாராம்.

ஐ படத்துக்குப் பிறகு தெலுங்கில் ஜுனியர் என்டிஆர் நடிக்கும் படமொன்றில் எமி கமிட்டாகியிருப்பதாக ஆந்திரத்து செய்திகள் தெரிவிக்கின்றன.

இனி தென்னிந்தியாதான், மும்பைக்கு ஃபிளைட் ஏற மாட்டேன் என சபதம் செய்திருக்கிறாராம் அம்மணி.

எத்தனை நாளைக்கோ...?