களவாடியப் பொழுதுகள் ரிலீஸ் பற்றி தெரியாது

சென்னை : ‘களவாடியப் பொழுதுகள்’ ரிலீஸ், தாமதமாவது ஏன் என்று எனக்குத் தெரியாது என பிரபு தேவா கூறினார். அவர் மேலும் கூறியதாவது: இப்போது இந்தியில் ‘ஏபிசிடி’ என்ற படத்தில் நடித்துள்ளேன். இதற்கு முன் நடன படங்களில் நடித்திருந்தாலும் இது அது எல்லாவற்றையும் விட பெரிய அளவில் உருவாகும் படம். 3டியில் உருவாகும் இந்தப் படம் என் கற்பனைக்கு அப்பாற்பட்ட விதத்தில் தயாராகி உள்ளது.

இதற்கு டான்ஸ் மாஸ்டரும் படத்தின் இயக்குனருமான ரெமோ டிசோஸாதான் காரணம். அடுத்து, ஸ்ருதிஹாசன் நடிக்கும் ‘ராமையா வஸ்தா வையா’ படத்தை இயக்குகிறேன். இதையடுத்து சாகித் கபூர், சோனாக்சி நடிக்கும் படத்தை இயக்க இருக்கிறேன். இதனால், ‘தென்னிந்திய படங்களுக்கு வரமாட்டீர்களா?’ என்கிறார்கள். தென்னிந்திய சினிமாவை நான் எப்படி மறக்க முடியும்? நான் நடித்துள்ள ‘களவாடியப் பொழுதுகள்’ பட ரிலீஸ் பற்றி கேட்கிறார்கள். அதுபற்றி எனக்குத் தெரியவில்லை. நான் நடித்ததில் சிறந்த படம் அது. பட ரிலீஸ் தொடர்பாக தங்கர் பச்சானிடம் கூட அடிக்கடி பேசிக்கொண்டிருக்கிறேன். இவ்வாறு பிரபுதேவா கூறினார்.