புதுமுக நடிகருக்கு கொலை மிரட்டல்

சென்னை : ‘இன்னொருவன்‘ படத்தில் அறிமுகமான ஆதித்யா, கூறியதாவது: எங்கள் குடும்பம் எம்.ஜி.ஆருக்கு நெருக்கமானது. நான் நடித்த ‘இன்னொருவன்’ படம் கடந்த ஆண்டு வெளியானது. இந்த ஆண்டு இரு படங்களில் நடிக்க ஒப்பந்தம் ஆனேன். ஆனால், ‘என்னை நடிக்க விடமாட்டோம். ஆசிட் ஊற்றி கொல்வோம்’ என்று சிலர் மிரட்டுகிறார்கள். நடிப்பு தவிர சர்வீஸ் அப்பார்ட்மென்ட் தொழில் நடத்தி வருகிறேன். தொழிலில் என்னோடு கருத்து மாறுபாடு ஏற்பட்டு பிரிந்தவர்கள் இப்படி மிரட்டுகிறார்கள். நான் சட்டப்படி அவர்கள் மீது வழக்குத் தொடர்ந்துள்ளேன். வழக்கு நடந்து வரும் நிலையில் மிரட்டுகிறார்கள். இதுகுறித்து போலீசில் புகார் செய்துள்ளேன்.