குத்துச்சண்டையை மையப்படுத்தும் பூலோகம்

சென்னை : குத்துச்சண்டையை பற்றிய படமாக ‘பூலோகம்’ உருவாகி உள்ளது என்று அதன் இயக்குனர் கல்யாண கிருஷ்ணன் கூறினார். அவர் மேலும் கூறியதாவது: வடசென்னையில் பிரபலமாக இருக்கும் குத்துச்சண்டை வீரன் ஜெயம் ரவி. தேசிய அளவில் தனக்கு ஏற்பட்ட தடைகளை எப்படி முறியடிக்கிறார் என்பது கதை. த்ரிஷா, பாலக்காட்டில் இருந்து சென்னை வரும் பெண்ணாக நடிக்கிறார். பிரகாஷ்ராஜுக்கு சவாலான கேரக்டர். மாநில குத்துச்சண்டை வீரராக ‘பையா’ அர்பித் ரங்கா, தேசிய குத்துச்சண்டை வீரர்களாக ராஜேஷ், பொன்வண்ணன், சண்முகராஜன் நடிக்கின்றனர். அமெரிக்க நடிகரும், முன்னாள் குத்துச்சண்டை வீரருமான நாதன் ஜோன்ஸ், ஜெயம் ரவி மோதும் சண்டைக்காட்சி மிரட்டலாக இருக்கும். இந்தக்காட்சி ரசிகர்களிடம் பரபரப்பு ஏற்படுத்தும்.