ஜெயம் ரவியின் பூலோகம் 4 கோடியில் கிளைமேக்ஸ்!

இயக்குனர் எஸ்.பி ஜனநாதனின் அசிஸ்டண்ட் கல்யாண் கிருஷ்ணன் இயக்கத்தில் ஜெயம் ரவி, த்ரிஷா ஜோடியாக நடிக்கும் படம் பூலோகம். ஆஸ்கார் ரவிச்சந்திரனின் தயாரிப்பில் பிரம்மாண்டமாக உருவாகிக்கொண்டிருக்கு பூலோகம் படத்தின் கிளைமாக்ஸ் காட்சிக்குத் தான் 4 கோடி செலவு செய்யப்பட்டிருக்கிறது. கிளைமேக்ஸ் காட்சியின் படப்பிடிப்பு திருவண்ணாமலையில் நடைபெற்றது. கிளைமேக்ஸ் காட்சிக்காக போடப்பட்ட மிகப்பெரிய செட்டில் ஆயிரத்திற்கும் மேற்பட்ட துணை நடிகர், நடிகைகள் திருவண்ணாமலையிலிருந்து வரவழைக்கப்பட்டிருக்கின்றனர்.

மேலும் நான்காயிரம் மாணவர்களும், 150 விளையாட்டு வீரர்களும் தமிழ்நாட்டின் பல பகுதிகளிலிருந்தும் வரவழைக்கப்பட்டு கிளைமேக்ஸ் காட்சி படமாக்கப்பட்டதாம். பிரம்மாண்டமான செட்டில் ஐந்தாயிரத்திற்கும் மேற்பட்ட மக்கள் கூடியிருந்த வேலையில் படப்பிடிப்புத் தளமே திருவிழா போல காட்சியளித்ததாம்.

இந்த பிரம்மாண்டமான செட்டில் பாக்ஸிங் வீரரான ஜெயம் ரவி, கிளைமாக்ஸ் காட்சியில் வில்லனுடன் மோதுவது போன்ற காட்சி தான் படமாக்கப்பட்டதாம். பாக்ஸிங் ஸ்டேடியம் போன்றே செட் போடப்பட்டு காட்சி எடுக்கப்பட்டு வருகிறதாம். இந்த ஷெட்யூலின் கடைசி நான்கு நாட்கள் ஹாலிவுட் ஸ்டண்ட் நடிகர்கள் படப்பிடிப்பில் கலந்துகொள்கிறார்கள். 15 கோடி பட்ஜெட்டில் உருவாகும் பூலோகம் படத்தின் கிளைமாக்ஸ் காட்சிக்கு மட்டும் 4 கோடி காலியாகிவிட்டதாம்.