ஐ.பி.எஸ். ஆனார் ஹரிகுமார்

சென்னை: ‘சங்கராபுரம்’ படத்தில் ஐ.பி.எஸ். அதிகாரியாக நடிக்கிறார் ஹரிகுமார். விஎஸ்வி கிரியேஷன்ஸ் பட நிறுவனம் மூலம் ஜி.ஆர்.விஜய்சுகுமாரன் தயாரிக்கும் படம், ‘சங்கராபுரம்’. ‘தூத்துக்குடி’, ‘மதுரை சம்பவம்‘ படங்களில் நடித்த ஹரிகுமார் ஹீரோ. சான்யா தாரா ஹீரோயின். மற்றும் தம்பி ராமையா, கலாபவன் மணி உட்பட பலர் நடிக்கின்றனர். கதை, திரைக்கதை, வசனம், எழுதி நம்பிராஜென் இயக்குகிறார். படம் பற்றி ஹரிகுமார் கூறியதாவது: ‘தூத்துக்குடி’, ‘மதுரை சம்பவம்’ படங்களில் ரவுடியாக நடித்தேன். அதிலிருந்து மாறுபட்டு இதில் போலீஸ் அதிகாரியாக நடிக்கிறேன். முதல் நாள் படபிடிப்பிலேயே போலீஸ் உடை எனக்கு பொருத்தமாக இருக்கிறது என்று சொல்லிவிட்டார்கள். நிறைய போலீஸ் கதைகள் வந்திருந்தாலும் இது அதிலிருந்து மாறுபட்டு இருக்கும். 1968, 1988, 2013 ஆகிய மூன்று கால கட்டங்களில் நடக்கும் கதை. கனல் கண்ணன் மாஸ்டரின் அதிரடியான சண்டைக்காட்சிகள் மிரட்டலாக இருகும். ஷூட்டிங் முடிந்து போஸ்ட் புரொடக்ஷன் வேலைகள் நடந்து வருகிறது. இவ்வாறு ஹரிகுமார் கூறினார்.