கமல் படும் துன்பத்தை நினைத்து மனம் கலங்குகிறேன்: சூப்பர் ஸ்டார் ரஜினிகாந்த் வேதனை

விஸ்வரூபம் திரைப்படம் திரையிட முடியாமல் கமல் எவ்வளவு துன்பத்துக்கு ஆளாகியிருப்பார் என்பதை நினைத்து மனம் கலங்குவதாக சூப்பர் ஸடார் ரஜினிகாந்த் கூறியுள்ளார். மேலும் இதுதொடர்பாக ரஜினிகாந்த் அறிக்கை ஒன்றை வெளியிட்டுள்ளார். '40 ஆண்டு கால என்னுடைய நண்பரான கமல் யாருடைய மனதையும் புண்படுத்தும் படி நடந்து கொள்ளமாட்டார்' என்று ரஜினிகாந்த் கூறியுள்ளார். ரஜினி-கமல் நட்பு இந்திய திரையுலகமே அறிந்தது தான். இந்திய சினிமாவில் கொடி கட்டி பறக்கும் இவர்கள் கலை உலகில் இன்று வரை சிறந்த நண்பர்களாகவே இருக்கின்றனர்.

விஸ்வரூபம் படப் பிரச்சனைகளை அறிந்து தான் மிகுந்த வேதனைப்படுவதாகவும், ரூ.100 கோடி முதலீடு செய்து கமல் படும் சிரமங்கள் கண்டு தன் கலங்குவதாகவும் சூப்பர் ஸ்டார் ரஜினிகாந்த் கூறியுள்ளார். கமல் ஒரு சாதாரண கலைஞன் அல்ல என்று கூறியுள்ள சூப்பர் ஸ்டார், தமிழ் சினிமாவை உலக அளவில் கொண்டு செல்வதற்கு ஒரு காரணமாக உள்ள கலைஞன் என்றும் கூறியுள்ளார். கமல் இந்தியா வந்த பிறகு, கதைக்கு பாதிப்பு வராத வகையில் சரி செய்து படத்தை திரையிட உறுதுணையாக இருக்குமாறு மிலாது நபி வாழ்த்துக்களுடன் இஸ்லாமிய சகோதரர்களை கேட்டு கொள்வதாக சூப்பர் ஸ்டார் ரஜினிகாந்த் கூறியுள்ளார்.