சூப்பர் ஸ்டார் தந்த ஷாக்

மலையாள சூப்பர் ஸ்டார் மோகன்லாலின் பேஸ்புக் பக்கம் தமிழ் இயக்குனர் ஒருவரை பேஸ்தடிக்க வைத்துள்ளது.

அச்சமுண்டு அச்சமுண்டு படத்தை இயக்கிய அருண் வைத்யநாதன் அடுத்து பெருச்சாளி என்ற படத்தை இயக்குவதாகவும், மோகன்லால் நடிக்கும் இந்தப் படம் வருட இறுதியில் தொடங்கும் எனவும் தெரிவித்திருந்தார். அவரின் பிரஸ் ரிலீஸ் வெளியான 24 மணி நேரத்தில் மோகன்லாலிடமிருந்து மறுப்பு வந்துள்ளது.

என்னுடைய அடுத்தப் படங்கள் குறித்து பல்வேறு செய்திகள் மீடியாக்களில் உலவுகிறது. தற்போதைக்கு மிஸ்டர் விஜய்யுடன் ஒரு படத்திலும் மலையாளப் படம் ஒன்றிலும் மட்டுமே நடிக்க ஒப்புக் கொண்டிருக்கிறேன். இதைத் தவிர வேறு எந்தப் படத்திலும் கமிட்டாகவில்லை என தனது பேஸ்புக்கில் தெரிவித்துள்ளார்.

மோகன்லாலின் பட்டியலில் அருண் வைத்யநாதனின் படம் இல்லை. மோகன்லாலை இயக்குகிறேன் என்று அருண் வைத்யநாதன் சொன்ன மறுநாளே மோகன்லாலிடமிருந்து இப்படியொரு மறுப்பு வந்துள்ளது அவரை அதிர்ச்சிடைய வைத்துள்ளது.