87ல் நடக்கும் கதை ரம்மி

சென்னை : ஸ்ரீவள்ளி ஸ்டுடியோவுக்காக கே.குருநாதன், பி.ஏலப்பன், பாலகிருஷ்ணன்.கே தயாரிக்கும் படம், ‘ரம்மி’. விஜய் சேதுபதி, ஐஸ்வர்யா இனிகோ பிரபாகர், காயத்ரி உட்பட பலர் நடிக்கின்றனர். ஒளிப்பதிவு, சி.பிரேம்குமார். இசை, இமான். பாடல்கள், யுகபாரதி. வசனம், மோனா பழனிச்சாமி. கதை, திரைக்கதை எழுதி பாலகிருஷ்ணன்.கே இயக்குகிறார். அவர் கூறும்போது,

‘‘காதலும், ரம்மி சீட்டாட்டமும் ஒன்றுதான். ரம்மியை ஆடி ஜெயிக்க வேண்டும். காதலில் போராடி ஜெயிக்க வேண்டும். 1987 முதல் 1990ம் ஆண்டு வரையிலான காலகட்டத்தில் நடக்கும் கதை இது. கல்லூரியில் படிக்கும் விஜய் சேதுபதி, இனிகோ பிரபாகர், சூரி மூவருக்கும் ஏற்படும் நட்பு, காதல் மற்றும் குடும்ப சென்டிமென்ட் கலந்த படமாக உருவாகிறது’’ என்றார்.