12 மணிநேரத்தில் நடக்கும் கதை

சென்னை: யாழினி விஷன்ஸ் தயாரிக்கும் படம், ‘சுடச்சுட’. நளன், சோபினா, ஸ்ரீஇரா, லீமா என்ற புதுமுகங்கள் நடிக்கிறார்கள். இதயன் இயக்குகிறார். படம் பற்றி அவர் கூறியதாவது: இணையதளங்கள் பள்ளி மாணவிகளிடையே எத்தகைய பாதிப்புகளை ஏற்படுத்துகிறது என்பதைச் சொல்லும் படம். இணையதளத்துக்கு அடிமையாகும் பள்ளி மாணவி ஒருத்தி அதில் கிடைக்கும் வன்முறை காட்சிகளால் சைக்கோவாக மாறுகிறாள். அவளது தோழிக்கு அநியாயம் நடக்கிறது. அதைப் பார்த்ததும் அவளுக்குள் இருக்கும் சைக்கோத்தனம் விழித்துக் கொள்கிறது. தோழிக்கு அநீதி இழைத்தவர்களை காலை 6 மணியிலிருந்து மாலை 6 மணிக்குள் எப்படி பழிவாங்குகிறார் என்பது கதை. படப்பிடிப்பு முடிந்து விட்டது. பிப்ரவரியில் வெளிவருகிறது.