பரதேசியை வெளியிடுகிறார் அனுராக் காஷ்யப்

சென்னை : பாலிவுட் இயக்குனர் அனுராக் காஷ்யப், பாலாவின் ‘பரதேசி’ படத்தை வட இந்தியாவில் வெளியிடுகிறார். பாலா இயக்கியுள்ள படம் ‘பரதேசி‘. அதர்வா, வேதிகா, தன்ஷிகா உட்பட பலர் நடித்துள்ளனர். ஆங்கிலேயர் ஆட்சி காலத்தில் தேயிலை தோட்டத் தொழிலாளர்கள் சந்தித்த பிரச்னைகளைப் பற்றிய கதை. இந்தப் படம், இந்திப் பட இயக்குனர் அனுராக் காஷ்யப்புக்கு சிறப்பு காட்சியாக திரையிடப்பட்டது. படத்தை பார்த்த அவர், பாலாவை பாராட்டினார். இதையடுத்து இந்தப் படத்தை இந்தி மற்றும் ஆங்கில சப் டைட்டிலுடன், தனது பேன்டம் பிலிம்ஸ் லிட் மூலம், வட இந்தியாவில் வெளியிடுகிறார்.