பரதேசி - பரவசத்தில் அனுராக் காஷ்யப்

பரதேசியை பார்த்தவர்கள் சொல்லும் விமர்சனங்கள் படம் பார்க்கும் ஆவலை தூண்டி வருகிறது. ஏற்கனவே பாலுமகேந்திரா படத்தைப் பார்த்து, பாலாவின் படங்களில் இதுவே பெஸ்ட் என தெரிவித்திருக்கிறார். இப்போது அனுராக் காஷ்யப்.


அனுராக் காஷ்யப் மற்ற இந்தி இயக்குனர்களைப் போலில்லாமல் தமிழ் சினிமாவை க்ளோஸாக பாலோ செய்பவர். சுப்பிரமணியபும், பருத்திவீரன், நான் கடவுள் போன்ற படங்கள்தான் தனது வேரைத் தேடி போக வைத்தது என்று சொல்லி கேங்க் ஆஃப் வாஸேபூர் படத்தின் டைட்டிலில் சசிகுமார், அமீர், பாலா மூவருக்கும் நன்றி தெரிவித்திருந்தார். பரதேசி அவருக்கு ஸ்பெஷலாக திரையிடப்பட்டது.

படத்தைப் பார்த்தவர் தனது ட்விட்டரில் பாலா இயக்கிய படங்களிலேயே இதுதான் பெஸ்ட். படம் பார்த்து அப்படியே அசந்து போனேன் என குறிப்பிட்டிருக்கிறார். அனுராக் காஷ்யபின் இந்தப் பாராட்டு பரதேசி மீதான எதிர்பார்ப்பை பன்மடங்கு உயர்த்தியிருக்கிறது.