வெஸ்டர்ன் ஸ்டைலில் கானா பாடல்: தாஜ்நூர்

சென்னை : இசை அமைப்பாளர் தாஜ்நூர், நிருபர்களிடம் கூறியதாவது: தமிழில் ‘மல்லுக்கட்டு’, ‘கலியுகம்’, ‘சுவாசமே’, ‘அடித்தளம்’, ‘ஞான கிறுக்கன்’, ‘அது வேற இது வேற’ படங்களுக்கு இசையமைக்கிறேன். இன்று நிறைய இசையமைப்பாளர்கள் இருக்கிறார்கள். புதிது புதிதாக அறிமுகமாகிறார்கள். அவர்களை போட்டியாக நினைப்பதில்லை.

அறிமுகமாகும்போது, இசையில் புதுமைகளைச் செய்ய நினைத்தேன். அது தவறு என்று இப்போது புரிகிறது. ரசிகர்களுக்குப் புரியும் விதத்தில் இசையமைத்தால் போதும். ரசிப்பார்கள். ‘அது வேற இது வேற’ படத்தில், ‘சின்னதாக முறைச்சுப்புட்டா’ என்ற கானா பாடல் இடம்பெறுகிறது. இந்தப் பாடலுக்கு வெஸ்டர்ன் ஸ்டைலில் இசையமைத்துள்ளேன். இனி வரும் படங்களில் எனது இசையும், பாடல்களும் பேசப்படும்.