ர‌ஜினி ஸ்டைலில் சசிகுமார்

‘சுப்பிரமணியபுரம்’ என்ற அற்புதமான படைப்பை தந்து அனுராக் காஷ்யபை உருக வைத்த சசிகுமார் இப்போதைக்கு இயக்கத்துக்கு திரும்புவார் போல தெ‌ரியவில்லை. விரைவில் வரவிருப்பது இவர் நடிப்பில் உருவாகியிருக்கும் சுந்தரபாண்டியன்.

இதன் பிரஸ்மீட்டில் கலந்து கொண்ட சசிகுமாரை பல்வேறு கேள்விகளால் துளைத்தார்கள் நிருபர்கள். முக்கியமாக ர‌ஜினி ஸ்டைலில் அமைந்திருக்கும் அவ‌ரின் அறிமுகப்பாடல். கொள்கை, கொத்தவரங்காய் லி‌ரிக்‌ஸ், வட்டமாக வேக நடையில் சுற்றி வருத‌ல், கிழவிகளை கட்டிப் பிடித்த‌ல், குமா‌ரிகளுக்கு வெட்கப்படுதல் என்று ர‌ஜினியின் அறிகப்பாடல்களின் அத்தனை அம்சமும் இருந்தது இந்தப் பாடலிலும்.

சும்மா காப்பி அடித்து இந்தப் பாடலை சுந்தரபாண்டியன் டீம் வைக்கவில்லையாம். படத்தில் ர‌ஜினி ரசிகராக வருகிறாராம் சசிகுமார். இதுதான் அவர் ஸ்டைலில் பாடல் வைத்திருக்கிறார்கள்.

சுந்தரபாண்டியன் படத்தைக் குறித்து கேள்விப்பட்ட பாலா ஷுட்டிங் ஸ்பாட்டுக்கே வந்து படப்பிடிப்பை பார்த்ததோடு சசிகுமாரை பாராட்டவும் செய்திருக்கிறார். இதை சொன்ன போது இதைவிட என்ன வேண்டும் என்ற பெருமிதம் சசிகுமா‌ரிடம். இருக்கும்தானே.
ரஜினி சசிகுமார், சுந்தரபாண்டியன்