குழப்பத்தில் தவிக்கிறார் சஞ்சிதா

சென்னை : தமிழில் ‘வேட்டைக்காரன்’, ‘பிள்ளையார் தெரு கடைசி வீடு’ படங்களில் நடித்துள்ள சஞ்சிதா படுகோனே, தெலுங்கு படங்களில் நடித்து வருகிறார். சமீபத்தில் அவரது கவர்ச்சியான ஸ்டில்கள் வெளியானது. இதையடுத்து, சஞ்சிதா ஷெட்டி ஏன் இப்படி போஸ் கொடுத்திருக்கிறார் என்று கோலிவுட் வட்டாரத்தில் பேச்சு பரவியது. இதுகுறித்து சஞ்சிதா ஷெட்டியிடம் கேட்டபோது, “நான் வேறு. சஞ்சிதா படுகோனே வேறு. அவருக்கும், எனக்கும் எங்கள் பெயரின் முன்பாதி தவிர எந்த சம்பந்தமும் இல்லை. தற்போது விஜய் சேதுபதி ஜோடியாக ‘சூது கவ்வும்’ படத்தில் நடிக்கிறேன்” என்றார். இதற்குமுன் ‘தில்லாலங்கடி’, ‘கொள்ளைக்காரன்’ படங்களிலும் சஞ்சிதா ஷெட்டி நடித்துள்ளார்.