தீ விபத்தில் 80 ஒட்டகங்கள் பலி

ஜெர்மனியின் தென் மேற்கேயுள்ள ஒரு ஒட்டகப் பண்ணையில் ஏற்பட்ட தீ விபத்தில் எண்பதுக்கும் அதிகமான ஒட்டகங்கள் பலியாயின.

தீ விபத்தை அடுத்து, அந்தப் பண்ணையின் உரிமையாளரால் ஐந்து ஒட்டகங்களை மட்டுமே காப்பாற்ற முடிந்தது என்று காவல்துறையினர் கூறுகிறார்கள்.

இந்தத் தீ விபத்துக்கு என்ன காரணம் என்று இதுவரை தெரியவில்லை.

தீயை அணைக்க நூற்று ஐம்பதுக்கும் மேலான தீயணைப்புத் துறையினர் ஈடுபட்டனர்.

பேடன் வுர்ட்டம்பர்க் மாநிலத்தில் அமைந்துள்ள இந்தப் பண்ணைக்கு விருந்தாளிகள், ஒட்டக சவாரிக்காகவும் அதன் பாலுக்காகவும் விஜயம் செய்கின்றனர்.