விக்கி டோனர் உ‌ரிமையை வாங்கிய சித்தார்த்

காதலில் சொதப்புவது எப்படி படத்தை தமிழ், தெலுங்கில் தயா‌ரித்த சித்தார்த் அடுத்ததாக இந்தியில் வெளியாகி ஓடிக்கொண்டிருக்கும் விக்கி டோனர் படத்தின் தமிழ், தெலுங்கு உ‌ரிமையை வாங்கியிருக்கிறார்.

விக்கி டோனர் விந்தணு தானம் செய்யும் இளைஞனைப் பற்றியது. வெட்டியாகத் தி‌ரியும் விக்கி என்பவனை பெண் மருத்துவர் ஒருவர் தனது கிளினிக்கில் வரும் பேஷண்டுகளுக்காக விந்து தானம் செய்ய வற்புறுத்துகிறாள். நல்ல வருமானம் என்பதால் விக்கியும் அதனை செய்கிறான். கொழுத்த பணம் கிடைக்கிறது. ஒரு பெண்ணை காதலித்து திருமணமும் செய்கிறான். இந்நிலையில் அவனது விந்துதானம் தெ‌ரிய வருகிறது. அவனது மனைவிக்கு குழந்தை பிறக்காது என்ற உண்மையும் தெ‌ரிய வருகிறது. அப்புறமென்ன என்பதை சுவாரஸியமாகச் சொல்லியிருக்கிறார்கள்.

இந்திக்கு சாதாரணமாக‌த் தெ‌ரியும் இந்தக் கதை தமிழ், தெலுங்குக்கு பொருந்துமா என்பது சந்தேகமே. மாமியாரும் மருமகளும் ஒன்றாக சரக்கடிக்கிற காட்சிகளும் இந்தப் படத்தில் உண்டு.

சுருட்டு பிடிக்கிறதுக்கே விரட்டிக் கொண்டு வருகிறார்கள். சரக்கடிக்கிற அதுவும் பெண்கள் சரக்கடிக்கிற காட்சிக்கு... யம்மா, கற்பனைக்கே கதிகலங்குதே.