நட்டிகுமார் - ஒரு பெயர் குழப்பம்

நட்டிகுமார் ஒரு மோசடி பேர்வழி என்று பேட்டியளித்துள்ளார் கஸ்தூ‌ரிராஜா. இந்த நட்டிகுமார் 3 படத்தின் தெலுங்கு உ‌ரிமையை வாங்கி நஷ்டப்பட்டவர் என்று தன்னைத்தானே அறிமுகப்படுத்தியவர். நஷ்டஈடு கேட்டு ஐஸ்வர்யா, தனுஷ் உள்ளிட்ட பல பேர் மீது இவர் வழக்கு தொடுத்திருக்கிறாராம்.

ஆனால் நட்டிகுமார் நாலரை கோடி பேசி இரண்டரை கோடிதான் 3 படத்துக்கு தந்தார் அவர்தான் மோசடி பேர்வழி என காட்டமாக திருப்பி அடித்துள்ளார் கஸ்தூ‌ரிராஜா.

இந்த நாட்டி கேமில் சிக்கிக் கொண்டு விழிக்கிறார் பனித்துளி படத்தின் இயக்குனர்.

கணேஷ் வெங்கட்ராமை வைத்து பனித்துளி என்ற படத்தை உருவாக்கியிருக்கிறார்கள். 70 சதவீத படப்பிடிப்பு அமெ‌ரிக்காவில் நடத்தப்பட்டுள்ளது. இதுவொரு க்ரைம் த்‌ரில்லர். இந்தப் படத்தை இயக்கியிருப்பவ‌ரின் பெயரும் நட்டிகுமார்தான். இதனால் அந்த நட்டி இந்த நட்டி என நினைத்து, படம் எடுக்க பணம் கொடுத்தவர்கள் கேள்வி மேல் கேள்வி கேட்கிறார்களாம்.

தென்னையில் தேள் கொட்டினால் பனையில் நெறிகட்டும்ங்கிறது இதுதானோ.