சுசீந்திரன் படத்தில் பூர்ணிமா பாக்யரா‌ஜ்

கிளிஞ்சல்கள் உள்ளிட்ட எண்பதுகளின் படங்களில் திரையில் தேவதையாக உலா வந்தவர் பூர்ணிமா. இவருக்காகவே திரையரங்குக்கு சென்ற இளைஞர்கள் ஏராளம். 1984 ல் நடிப்புக்கு முழுக்குப் போட்ட பூர்ணிமா பாக்யரா‌ஜ் அதன் பிறகு முழுநேர குடும்பத் தலைவியாக மாறிப் போனார்.

குழந்தைகள் தங்களைத் தாங்களே பார்த்துக் கொள்ளும் நிலையை எட்டிவிட்டதால் 28 வருடங்களுக்குப் பிறகு மீண்டும் கேமரா முன் நிற்கப் போகிறார்.

பூர்ணிமா பாக்யரா‌‌ஜ் 28 வருடங்களுக்குப் பிறகு சினிமாவுக்கு அழைத்து வந்த பெருமைக்கு‌ரியவர் இயக்குனர் சுசீந்திரன். இவ‌ரின் ஆதலால் காதல் செய்வீர் படத்தில் பூர்ணிமா பாக்யரா‌ஜ் முக்கியமான வேடத்தில் நடிக்கிறார். விஷ்ணு, மனிஷா ஹீரோ, ஹீரோயினாக நடிக்கிறார்கள்.

யுவன் ஷங்கர் ராஜா இசையமைக்கிறார்.
சுசீந்திரன் பூர்ணிமா பாக்யராஜ்